MONS18: Møte om norsk språk 18 Royal Garden hotell Trondheim, Norway, November 27-29, 2019 |
Conference website | https://www.ntnu.no/mons18 |
Submission link | https://easychair.org/conferences/?conf=mons18 |
Abstract registration deadline | September 19, 2019 |
Submission deadline | September 19, 2019 |
MONS er den største konferansen for utforsking av norske språk og det viktigaste forumet for utveksling av resultat, idear og synspunkt knytte til forsking på norske språk uavhengig av særdisiplin og teoretisk retning. Konferansen vender seg til forskarar og masterstudentar.
Konferansen er open for alle bidrag som tek opp norske språk, norsk teiknspråk medrekna. Fagleg femner det om dei tradisjonelle disiplinane ålmenn språkvitskap, nordisk språkvitskap, norsk som andrespråk og norsk teiknspråk. Bidraga kan vera teoretiske, empiriske, praktiske eller didaktiske. Bidraga kan presentera resultat av avslutta forskingsprosjekt, men MONS er også eit høve til å leggja fram idear og pågåande forsking.
Innlegga skal vera på 20 minutt + 10 minutt til spørsmål. Konferansespråket er skandinavisk, men det kan i spesielle tilfelle opnast for innlegg på engelsk.
Innsending av samandrag
Samandrag skal leverast som PDF-fil. Formatet er vanleg A4 med 25 mm margar, 12 punkt skrift og enkel linefråstand. Samandraget skal vera maks éi side inkludert referansar og ev. figurar.
Samandraga blir ikkje vurderte anonymt, så med tanke på samandragsheftet bed vi dykk skriva namn og institusjon (universitet/høgskule e.l., ikkje institutt) på ei eiga line under tittelen.
Vi bed dykk føra inn 1–3 nykelord i påmeldingsskjemaet for å hjelpa oss med å ordna innlegga tematisk i programmet.
Stad
Konferansen blir halden i Trondheim 27.–29. november 2019 på Radisson Blu Royal Garden Hotel.
Kontakt
Spørsmål om innsending av samandrag kan sendast til ivar.berg@ntnu.no. Sjå elles nettsida til konferansen for meir informasjon.